asanninneq
Julie katikkusuppoq
Julie Berthelsenip danskit aviisiiani apersorneqarnermini Minik katikkusullugu nassuerutigaa.
Assammik arsaattartup Minik Dahl Høegh-p arnaatini meeqqamilu arnaat Julie Berthelsen juullimut sumik tunissanerlugu nalornissutigiguniuk suna kissaatigineraa nalunarunnaarpoq: katinnissaq.
Julie Berthelsenip Odensemi danskit aviisiannit apersorneqarnermini suna kissaatiginerlugu oqaatigaa:
- Katinnissaq. Minillu sivisuumik najoreeraluarluta uangalu oqarfigisareeraluarlugu soqutaanngitsoq eqqarsaatigisarpara katilluni qanoq innersoq - misilikkusupparalu, Julie Berthelsen oqarpoq.
Atuaruk: Juliep juullimi takorluukkani piviusunngortikkaa
Julie Berthelsen Meeqqat, inuusuttullu ikiligaanikut ikiorniarlugit Odensemi gallartitsisorqarneranut peqataanerminit aviisimit apersorneqarpoq.
Tassani Ave Mare Beyoncemit taallartaa allanngortinneqarsimasoq erinarsorpaa.
Erinaq nutaaq
Julie Berthelsen erinnamik nutaamik aqagu decembarip 18-ani saqqummersitsissalluni paasissutissiissutigaa. Taanna 2017-mi nuuteranngorluni saqqummersinneqassalluni.
Juullimullu inuulluaqqusinermi sapaatiuppat unnukkiartuaani nalunaaqutaq arfineq-pingasunut aallakaatinneqartussami erinarsuutit nutaat marluk atussallugit Facebookimi quppernimini saqqummiuppaa.
Julie Berthelsenip Odensip aviisiania apersorneqarnera uani atuaruk