Julie nutaamik cd-liulerpoq
Erinarsortartoq Julie Berthelsen nuuteeraliami sisamassaat suliarilerniarlugu taalliorluni aallartissimavoq, avisen.dk allappoq.
Erinarsortartoq Julie Berthelsen, 'Popstars'-imi normu 2-nngortoq, kingornali Danmarkimi erinarsortatut nuannarineqarnerpaartaattut naqissusiisoq maana nuuteeraliassamik tullia aallartissimavaa.
- Nuuteeraliama sisamassaat aallarteqqammerpara, taamaammat massakkut taalliorlunga uninngagallarpunga, Julie oqaluttuarpoq. Nuuteeraliassaq suliarineranut tunngatillugu aatsaat aallartilaarpoq.
- Sumut sammivissinneqanngilaq. Ikinngutikka nuannersut ilagalugit taalliorlutalu nipilersuusiorpugut. Kisianni aatsaat aallartilaarpugut, taamaattumik sumut apuutissanerluta oqaatigisinnaanngilarput, aamma nuuteeraliassap naammassinissaanut suli killiliisoqanngilaq, Julie oqaluttuarpoq. Julie qaammatit kingulliit marlussuit sumi tamaani nammineq erinarsuusiani atorlugit erinarsoqattaarnermut atorsimavai, aamma marluullutik nipilersortartut Nik & Jay-ikkut tusarnaartitseqatigisarpai, erinarsuummi nuannarineqarluartumi 'Et sidste Kys'-imi utertaarnerani erinarsortuulluni.