Julie: Utaqqineq utoqqaliallannarpoq
Julie aamma Niarn AllStars sapaatip akunnerata tullianut ingerlaqqipput, Johnsonillu Mads angerlartittariaqarpaa.
- Kikkut ingerlaqqinnissanersut paasinissaata tungaanut minutsini tallimani utaqqinerni tamani utoqqaliallattarpunga, Julie Berthelsen tallimanngormat unnukkut AllStarsip aallakaatinneqarnerata kingorna tv2.dk-mut oqarpoq.
Niarn AllStars siulliullutik ingerlaqqittutut nalunaarutigineqarmata isiginnaartut najuuttullu pissangallutik utaqqivaat aamma kikkut ingerlaqqissanersut. Utaqqineq tamanna Juliep utoqqaliallannartippaa.
- Utaqqilluni nuanneeqaaq. Soorunami ingerlaqqikkaangatta nuannaartaqaagut tipaatsullutalu. Nuanninngilarli sanitsinniittut qiasut takullugit, Julie Berthelsen oqarpoq.
Juliep AllStarsimi erinarsoqatigiifisa Mads Lumholt pingaarnerusutut erinarsortoralugu atortpaa ´Break Even´ The Scipt-ikkut sanaavat, Nina Kreuzmann Jørgensenillu erinarsorpaa popimik erinarsuut `Bad Romance´ nunatta kulturianik takusassartalerlugu atorpaa, Lady Gagap sanaava.