Juliep Minik meerartaaqatigerusuppaa
Julie Berthelsenip 29-nik ukiullip angutiviani 23-nik ukiulik Minik Dahl Høegh ukiup affangajaa aapparaa, kisianni maannakkut piareersimavoq najugaqatigilissallugu meeqqioqatigissallugulu.
- Nuannaaqaanga. Misigissuseq uppernanngitsorluunniit, Julie Berthelsen B.T.-mut unnersiorpoq.
Erinarsortartoq nuussuarmik "Lige nu" saqqummersitseqqammersoq, oqaluttuarpoq assammik arsartartumut inuusunnerungaatsiartumut asannilersoornini tassanngaannaq takkuttoq. Asannilersoornerujusuup annertusiartuinnarnerani Julie Berthelsenip kinguaasiornissaq eqqarsaatigilersimavaa, meerartaarusulerninilu tupaallaatigilaarpaa.
- Isumaqanngisaannarsimavunga tamanna eqqarsaatigilissallugu, kisianni naartorusulerneq soorlulusooq terlinganeerilluni takuttoq. Tassanngaannarmi tamanna pivoq. Aapparalumi oqarfigaara tamanna ingasappallaalissappat oqaqqullugu, kalaaleq pinnersoq nassuerpoq.
Julie Berthelsen har reflekteret over, hvorfor drømmen om børn pludselig fylder hendes kønne hoved.
Julie Berthelsenip eqqarsaatigisimavaa meerartaarusulernini niaqqumini kaaviinnalersimanersoq.
- Tassami meeqqiornissamik eqqarsaat piginaviarsimanngikkaluarpara aappariinneq qularfigisimagaluarukkut, erinarsortartoq oqarpoq isumaqarlunili ukiut marlussuit atsaat qaangiuppata, naalungiarsuit takukkumaartut.
Julie Berthelsen alloriarneq annertooq aalajangiuppaa Odensemut nuunniarluni, taamaalilluni Minik qaninnerulerniassagamiuk, taannami GOG-mi unammisartuuvoq.