Juullip inua pillugu oqaluttuaq
Oqaluttuarineqartarpoq juullip inua angutaasoq angisooq, ammarlortoq qaqqorinnik qaqortunik umissualik uummamminit akisuarpaluttumik nuannersumillu illartartoq – Ho ho ho. Juullip inua juullip unnukkuutaani qamutini tuttunik qulingiluanik Rudolfimik ittoqutserlugit aallartarpoq, meeqqat sumiikkarluartulluunniit poortukkanik pajukkumallugit.
Illunut poortukkanik eqquiserniarluni illut qaavinut meriarluni pujoorfiit aqqutigalugit isertarluni. Taava juullip inua orpiup ataanut imaluunniit juullip alersersuanut poortukkanik ilisisarpoq. Jullisunnitsu-nik tamulugassaqarsimassappat juullip inuata taakkua ilanngalaartarpai.
Juullip inuata taamak »ammalortigineranut« pissutaavoq, juullip unnukkuutaani meeqqat pulaakkani mamakujuttunik ilisisimatillugit iserfimmini tamani oqummersilaartarami, taakkualu puallarnaralugit. Ukiup sinnerani nissiaqqat najugaqatigalugit pinnguanik sanaartortarput. Juullip inua sumi najugaqavinnersoq assigiinngitsunit oqallisaasarpoq.
Juullip inuata najugaqarfigisinnaasai tassaanerarneqartarput Kalaallit Nunaat, Qalasersuaq, Tyrkia, Finland aamma Rusland. Uagut soorunami nalunngisatsitut juullip inua Kalaallit Nunaanni najugaqarpoq. Siullermik qorsunnik atisaqaraluarpoq orpiliaq qalipaateqatigalugu juullip qalipaataasa ilaat. Oqaatigineqartarpoq juullip inuata nissiaraatai juullip inuatut ilillugit juullimi unnukkut aallartinneqartartut juullip inua sumiiffinnut tamanut ornigunnis-
saminut piffissaqarneq ajormat.
Ileqqut
Juullip inuanut tunngatillugu ileqqut amerlalluinnarput pingaartumik meeqqat ileqqunik attassiinnarlutik. Nunat ilaanni alersersuit nivinngarneqartarput taava juullip inua decembarip 23-ata 24-atalu unnuaani taakkua mamakujuttunik tungusunnitsunillu immertarpai. Unnuaq taanna meeqqat poortugassarsiassaannik aggiussisarpoq orpiup ataanut ilillugit decembarip 24-anni (imaluunniit USA-mi 25-ani) meeqqanit ammarneqarniassammata.
Juullip inua unnuap ataatsip ingerlanerani nunarsuarmik kaajallaasarpoq qamussui tuttunit qulingiluanit kalinneqarlutik (siullermilli arfineq-pingasuinnaasimagaluarput). Tuttut ima ateqarlutik Qitittartoq, Pissittartoq, Pinnersoq, Kunngi, Ulloriarsuaq, Asanninneq, Kalleq aamma Innaallanneq. Kingullertut ilaalersoq Rudolfimik ateqarluni.
Aallerfik: Wikipedia.
Una allaaserisaq AG-ip juullimi aviisiani akeqanngitsumik uani atuarsinnaavat pissarsiarisinnaallugulu: