Kajumissutsiminnik isiginnaartitsisarfik torrallaavoq
Nuummi isiginnaartitsisartut NAIP tallimanngormat maajip 28-ani isiginnaartitsinerminni iluatsilluarput. Web-tv assillu takukkit..
Tallimanngormat maajip 28-ani Nuummi Katersortarfimmi isiginnaariat 200 missat illarluataavipput, ilaatigut Arctic Winter Games, vinter OL pisullu allat kalaallinit quiasuutigineqarlutik. Tamanna NAIP-mi isiginnaartitsisartoqatigiit isiginnaagassiaani takuneqarpoq.
– Ernummatigisimagaluarpara ikittuinnaat aggernissaat arlaqartummi qaammamusisimanngillat. Taamaattumik tupaappappunga taama amerlatigisut aggiammata. AalStarsit ajugaanranni inuit nuannaarput tamannalu isiginnaartunut tuniluuppoq, NAIP-miit Thala Stefani sermitsiaq.ag -mu toqarpoq.
Marsimi Kalaallit Nunaat Albertami Arctic Winter Gamespeqatavoq. Timersornermullu tusagassiortup Peter Stefanip John Peter Petrussenillu Issittumi pisoq tusagassiorfigaa, tassani KNR aamma Kalaallit Nunaanni Timersoqatigiit Kattuffiani allattaaneq Claus Nielsen quiasaarutigineqarlutik. Tassani John Peter Petrussenip Claus Nielseniusaarnini iluatsilluarpaa.
TAKUUK WEB-TV: Parodi af AWG 2010
Peter Stefanip takutitsinera kulturit kattunnerannik taaneqarsinnaalluarpoq, ilaatigut kalaallisoorluni hip-hoperami.
TAKUUK WEB-TV: Peter Stefani viser hip hop dance
NAIP -p aamma takusassiarisimavaa KNR TV-kut aallakaatitassiaq "Nûno tutillugu". Atserpaat "Viivi tutillugu" Tukummeq Egede Martinsen, Valerie Tobiassen aamma John Peter Petrussen isiginnaartitsisuullutik.
TAKUUK WEB-TV: NAIPs version af "Nûno tutillugu"
NAIP-mi erseqqissarneqarpoq inuit ajuallatsinnissaat kissaatiginnginnamikkut. Taamaattumik isiginnaagassiaq illarniutitut isigisariaqarpoq.
ASSIT TAKUKKIT: Billeder fra NAIP revy