Kalaallisut ingerlanneqarpoq
Filmip »Iliveq«-p allagartaa kalaallisoortuuvoq, filmiliortullu qallunaatut islandimiutullu oqaasillit sapinngisaminnik malinnaaniarput.
Tumit Productions-ikkut filmiliaat »Ileveq« Nuuk Kangerluani aallartinneqareerpoq. Filmiliortullu ilagaat qallunaatut oqaasilik Palo Bisgaard islandimiorlu Fryer Líndal Sævarsson.
Taakku marluk kalaallisut oqalussinnaanngillat, immiussisullu kalaallisut oqaluuttaraluartut tamanna ajornartorsiutiginngilaat.
– Uanga nammineq oqaatsit atorlugit oqaluttarnissaq pingaartitaraara, Islandimilu taamaaliortarpugu. Taamaattumillu immiussinitsinni kalaallisut oqaluttoqarnera ajorinngilluinnarpara. Avataannaaniittutut misigisimasanngilanga, ilaannili tuluttut nassuiaanneqartariaqartarpunga, Freyer filmiliornermi assiliisuusoq oqarpoq.
– Oqaatsit amerlanerit paasisinnaasaasa atorneqarnerat pissusissamisoortutut isigaara, tamanna immikkoortitsiniarnerunngimmat. Inussiarnerniarnermimmi ataasiinnarluunniit kalaallisut paasisinnaanngikkaangat qallunaatutut oqalulersaraluarpugu, massakkulli taamaaliunngilagut, filmiliornermi ilitsersuisuusoq Malik Kleist oqarpoq.