issittumi aasaq
Kalaallit Nunaanni musliimit ramadanimi qanoq iliortarpat?
Seqineq tarrittanngippat, islamip iisinnginnermut piumasaqaataa naammassinissaa ajornarluinnartoq isumaqarnarsinnaavoq. Tamannali siunnersuutissartaqarpoq
Juunip arfernani ramadani aallartippoq, taanna musliiminut piffissaq iisinnginniarfiusarpoq, tamannalu ulluni 30-ni juulip sisamaata tungaanut ingerlassaaq.
Piffissami tassani ulloq qaamanerpaaffiusarpoq, musliiminullu piumasaqaataavoq, seqernup tarrinnerata kingorna aatsaat nerisoqartarnissaa.
Kisianni tamanna siunnersuutissartaqarpoq, National Geographic oqaluttuarpoq.
National Geographicimi atuaruk: Hvordan overholder muslimer ramadan i Norden?
Abdifatah Hassan Islamsk Senter for Nordnorge Tromsømeersoq taakku oqaloqatigisimavaat. Koraani tamatumunnga aaqqiissuteqartoq, taanna oqarpoq.
Nunani Avannarlerni aaqqiissutit
Seqineq tarrinngisaannarfiani najugaqaraanni, musliimit atuagaat illernartoq naapertorlugu periarfissat pingasuupput.
- Ulloq unnuarlu marlunnut avinneqartarpoq, 2 x 12 tiiminut, akunnerillu 12-t iisinaveersaartoqartarpoq.
- Mekkami imaluunniit Medinami seqernup piffissai malinneqassapput. Imaluunniit..
- Sumiiffimmi seqernup tarriffigisartagaani qaninnerpaami, seqernup nuisarnera aamma tarrittarnera malillugit.
Norgep avannaani musliimeq naapertorlugu, taakku malittarisassat malikaanni, musliimisut upperluartutut inuusoqarsinnaavoq.