Kalaallit Nunaanni remix-erit pikkorinnersaat
Nikki Nielsen Upernavimmeersoq HAP-ip Sermitsiallu remix-imik unammisitsinerani ajugaavoq.
Dommeriutitat remix-i imatut nalilersorpaat:
- Silassorissuumik suliaavoq, eqqarsaatigilluagaalluni ineriartorneralu tamaat pissanganarluinnarluni. Oqariartuutaa salliutinneqarpoq, pisariunngitsumik tusaqqoornartuunerullu silarsuaaniinnartumik suliaalluni.
- Tamaannerata erinarsuut eqqarsaatersornarsisippaa misigissuseqartillugulu, peqatigitillugulu ullutsinnut naleqquttuulluni.
- Nipitalersornera, oqariartuutaa nipilersuutitaalu imminnut ataqatigiipput.
- Kusanartumik suliarineqarsimavoq, aammalu nipilersuuteqqaavanut sanilliulugu mix-itut piukkunnarluartuulluni.
Aaqqissuisut qaammatit kingulliit marluk ingerlanerini ilanngutassiissunit 15-init nassinneqarsimapput.
Suliassartaa tassaasimavoq HAP,-ip, John O-p Ju-nollu M.I.-mut nipilersuusiaat Meeqqat Inuusuttut/Bedre Børneliv-imut tapersersuilluni nipilersuusiaasup remix-erlugu suliarinissaa.
Dommeriutitaasut peqataasut sinnerisa ilanngussaat sapaatip akunnerani tulliani nalilersuinitik saqqummiutissavaat.http://blog.sermitsiaq.gl/hapworld.