Kalaallit Nunaannut nipit oqaatsillu atorlugit asanninnilersaarut
Per Blochip immiussani Panneq 8. april saqqummersippaa.Tamanna kalaallinik arlalinnik suleqateqarnikkut pivoq.
Per Bloch oqaatsinik atuinerugaluarluni oqaatsinillu assigiinngitsunik nuannarisaqartuugaluarluni nipilersornikkut aamma ersersitsisarpoq. Nuusiaq Panneq 8. april saqqummersinneqarpoq. Taanna ukiuni marlussunni suliarineqarsimavoq nipinillu Kalaallit Nunaanni immiussanik kalaallisut oqaasertalinnik imaqarluni. Allanneqartut taallalluunniit piffissap ingerlanerani pilersikkiartuaarneqarsimapput, nipillu Kalaallit Nunaanni sumiiffinni assigiinngitsuni immiunneqarsimallutik.
Aviisi AG allappoq.
Assersuutigalugu aputip qeraarpalunneranik qimussernermillu nipit Sisimiuni immiunneqarsimasut, Nuummi inissiarsuarnik iluarsaassinermit nipit kiisalu Maniitsumit nipit. Nipinik immiussat Gustav Lynge Petrussenimut nassiunneqarsimapput, taassumalu saqqummersitami normut marluk suliarisimavai, Gerth Lyberthip, siorna Nunani avannarlerni nipilersortartunut nersornaasiuttakkami nersornaaserneqartussatut innersuunneqartup, Aallaqqaasiut suliarisimagaa. Allanneqarsimasut tamarmik kalaallisuujusut Per Blochip qallunaajugaluarluni immiussimavai.
Nipilersuutaannarnik
- Kalaallit Nunaannut asanninnera ersersissagukku tamanna kalaallisut pisariaqarpoq. Kalaallisut oqaatigineqartut ilaarsimavakka paasiniarsimallugillu, allassimallugit uteqattaarsimallugillu. Immiussisarfimmi immiussinerit pinnginnerini oqaatigisakka kalaallinit ikinngutinnit, uannik sungiusaqatiginnissimasunit immiussanillu akuerinnissimasunit, aaqqissuunneqarsimapput. Oqaatsit uannut tassaappullusooq nipilersuutit. Assersuutigalugu noqartilimmik pattanneq ilinniarusukkukku, taava nipilersuutiginissaa ilinniassavara, Per Bloch nassuiaavoq.
Allaaserisaq tamaat AG-mi sapaatip-akunnerani matumani saqqummersumi, uani pisiarisinnaasanni, atuaruk: