Kalaallit Nunaat Tivolimi: Kalaallit kulturiat nipilersuutaallu ulluni marlunni saqqumilaassapput

Inuit ulluni taakkunani marlunni Tivolimiittut kalaallit nipilersugaat tusarnaarsinnaavaat, soorlu Sauwestari, Muusi, Ole Kristiansen, Tomba Jam aamma erinarsoqatigiit Sarpik. Meeqqanullu Anda & Ib aliikkusersuissallutik.

Timersorneq workshopsillu

Timersorneq pilersaarutini aamma ilaavoq, tassani Arctic Sport Greenland saqqummilaassaaq workshopsinillu aaqqissuussisussaalluni. Naggataatigut  Arctic Sportimi Dene Gamesimilu timersortartut angusarissaartut nersorniarneqarumaarput.

Eqqumiitsiliorneq saqqummiinerillu

Kalaallit eqqumiitsuliaat Tivolimi aamma takuneqarsinnaassapput, soorlu assinik saqqummersitsineq “Siulit” Pergolami takuneqarsinnaassasoq. Oqalugiarnerit aamma soorlu makku:

• Lisbeth Valgreen Kalaallit Nunaata oqaluttuassartaanik saqqummiussissaaq.

• Hans Peter Mønstedip misigissutsikkut naalliuutit pillugit ilisimasani ilisimatusarninilu oqaluttuarissavai.

• Glaciolog William Colgan GEUSimeersoq Camp Century pillugu saqqummiissaaq.
• Shazia Khan assinik saqqummersitsinerup"Siulit" pinngornera oqaluttuarissavaa. 
• Blue Water Greenlands Kalaallit Nunaanni sulineq pillugu saqqummiissaaq.
• Issittumi teknologii ingeniørinillu ilinniartitsineq Arctic DTU-mi eqqartorneqassapput.

Underholdning

Ulluni taakkunani marlunni quiasaarisartoq Piitannguaq Alaufesen Tivolimiissaaq isiginnaartunillu illalersitsisarlunilu nuannaalersitsisassaaq. Rasmus Klump aamma meeqqanik aliikkusersuissamaarpoq.

Tivolip nittartagaani pilersaarut tamakkiisoq takuneqarsinnaavoq.