skulptur
Kalaallit Nunaata ilamernga attorlugu
Bolatta Silis-Høegh Københavnimi Vestre Kirkegårdimi eqqumiitsuliornermigut qanilaarneq eqqaasaqarnerillu pilersippai
Maqaasisaqarnermiit aallartippoq.
Leise Johnsenip, Kalaallit Nunaanniit Københavnimi Kalaallit Illuanni aqutsisutut atorfeqarluni, maqaasisaqarnera.
- Kalaallit Nunaannik ujartuinera Vestre Kirkegårdimi kalaallit immikkoortoqarfianiilersippaanga. Ujartungarali tassani aamma nassaarinngilara, taassuma eqqumiitsuliami Qanilaarneq ippassaq saqqummiunneqarnerani oqaluttuaraa.
Leise Johnsenip eqqarsaatigisimavaa allat imminisuulli inissisimassasut. Pingaartumik inuit asasaminnik eqqaaniaatillutik naaperusutaqarnermik maqaasisaqarsinnaasarmata. Eqqumiitsuliaanilli saqqummersitsisoqarnerani soqutigineqarluarnera pissutigalugu ilumoorluarsinnaavoq.
Ujarak eqitassaq
Attorneqarsinnaasumik piviusumik pilersitserusulluni eqqarsaataa nunap kommuniani sisamaneersunit ujaqqat atorlugit eqqumiitsuliornissaq pinngorpoq. Leise Johnsen eqqumiitsuliortoq Bolatta Silis-Høegh eqqumiitsuliamik nammineq sanasimasoq, attaveqarfigaa.
- Attorsinnaasaq Kalaallit Nunaaninngaanneersuunissaa, eqqarsaataasimavoq, Bolatta Silis-Høegh oqarpoq.
Ujaqqat taakku sisamat napparneqarsimapput imminulli sammisuullutik.
- Akornatigoorsinnaanissaq, eqqarsaataavoq. Ujarak inuuvoq. Taamaasilluni meeranermi ataatamut anaanamulli tuppallersarneqarnissamik ujartuisarnertuulli taanna eqinneqarsinnaavoq, eqqumiitsuliortoq oqarpoq.
Ujaqqami assaat
Qanilaarneq saqqummersinneqarnerani inuit taamatorluinnaq aamma oqalupput. Inuit tulleriissaarlutik ujaqqat Kalaallit Nunaanneersut attoriartoqattaarpaat. Ingerlatiinnarluguli meeqqat aamma eqqumiitsuliat akornannukaapput ujaqqallu malugisinnaallugit. Inersimasulli malinnipput.
- Siunertaa malillugu tigulluarneqarnera takullugu nuannerpoq, Bolatta Silis-Høegh eqqumiitsuliami inunnit qisuariaateqarnerisa pilluaqqusisoqarneratalu nalaani, oqarpoq
Aamma atuaruk:
Inussuk aamma iluliaq
- Granitti oqimaakkamik nukippassuaqarpoq. Eqqumiitsuliarli qilammut sammisuungami aamma oqiliallannartoqarpoq, taanna oqarpoq.
- Uanga isumanga malillugu taanna qaqqartaqarpoq puttaallu sarfangussaasup qaavani inissisimasumik iluliaqarluni. Inussuliat isumassarsiorfiginikuuakka.
Eqqumiitsuliamut quppersagaarannguami Bolatta Silis-Høegh ima allappoq:
- Allatorluinnaq misigineqartaraluartoq, iluarinninneq atortussiani ujartortarsimangaluarpara: Nunataq, kalaallit granittiutaat.
- Manna inuit ilaqquttaminnik ikinngutiminillu eqqaaniaajartortarfiat suliaqarfigalugu assut ataqqinartuutippara, taanna oqarpoq.