Karius & Baktusillu iginnaarneqarneranut rekorti nutaaq

Isiginnaartunit 4.948-sunit Nuummiut 2.278-it decembarimi januaarimilu isiginnaagassiaq takusarsimavaat.

Karius og Baktus-imit isiginnaagassiaq ilimanarsivoq nunatsinni piffisap ingerlanerani Silmiut Isiginnaagassiaaniit takuniarneqarnerpaassagunarpoq, 2010-milu isiginnaagassiaq isiginnaariarneqarnermut rekortiliissagunarpoq.

Maannakkut nunatta kujataani Tunumilu takutinneqassaaq, sumiiffinnilu ataasiakkaani innuttaasut affangajaat isiginnaariartarput.

Arfininngorpamiit avannamut Ilulissanut, Uummannamut, Upernavimmut, Qaanaamut, Qeqertarsuarmut, Qasigiannguanut, Aasiannut, Sisimiunut Kangerlussuarmullu angalasoqassaaq.

-Sumiiffinni immikkut toqqakkani kigutileriffiit pitsaasumik suleqatigaavut, Inuunerittamillu taperneqarluarnitsigut sumiiffippassuit torulliaqqanik taakkuninnga isiginnaarsinnaalerput, Silamiuni pisortaq Sven B. Syren oqaluttuarpoq.

Angalaarluni isiginnaartitsineq apriilip 23-ani naggatarneqassaaq.

Angalaarnerup saniatigut Silamiut alla isiginnaagassiassaq misilittarpaat. Tassalu '4.48 Psykose' ilungersunartumik qulequtaqartoq, tassalu imminut toquttarnermik.

Isiginnaagassiaq Tuluit Nunaanni isiginnaagassiortartumit Sarah Kanemit suliaavoq, '4.48 Psykose' takuteqqaarneqannginnerani imminut toquttumit

Silamiuni takuteqqaarneqarnera pissaaq maajip 7-ani Katuami.

Ukiamut Silamiukkunnit Kaassassummik oqaluttuaaq sammineqassaaq 2010-mi takutinneqartussaq. Taassuma ingerlannerani aamma workshopertoqassaaq quiasaarisartoq nunarsuaq tamakkerlugu ilisimaneqartoq P Nalle Laanela ingerlatsisoralugu. Taanna nunarsuarmi aaqqiagiinngiffinni sorsuffinnilu angalasarpoq suleqatini 'Clowns Without Borders' (Quiasaarisartut killeqarfeqanngitsut) peqatigalugit, mikinersat akornanni ulluinarni inuuneq qaamanerlersillugu.

Ukioq 2010 naggaserneqassaaq Juullimi iivangiiliu Pivorli naggataarlugu, taanna aamma mikisunut igisinnaagassiaavoq.