meeqqanut
Kariusi Baktusilu Qaanaami quiasaarisut
Nunatta Isiginnaartitsisarfia isiginnaagassiamik isiginnaartitsiniarluni angalavoq. Isiginnaartunit tigulluarneqarpoq
Qaanaap Timersortarfiani Kariusi Baktusilu takutitsipput, meeqqanit 150-it missaaniittunit isiginnaarneqarlutik.
Meeqqanut isiginnaagassiaq takutinniarlugu Nunatta Isiginnaartitsisarfia angalavoq. Tassani Qaanaami siullermeerluni takutinneqarpoq.
Soqutigineqarluartoq
Meeqqanit anginerulaartunit isiginnaagassiaq nuannarineqarluarpoq, mikinerulaartulli isiginnaartitsisut ersigineqalaarlutik.
Nunatta Isiginnaartitsisarfiata isiginnaartitsisartuinit angalasuupput Majbritt Bech (Karius) og Hans-Henrik Poulsen (Baktus), angalaqatigaat Gert Lyberth (tekniker) aamma Ilannguaq Kleist (angalanermut aaqqissuisoq). Qaanaamit Kullorsuarmukarlutik pingasunngormat aallarput.
Tassaneereerunik illoqarfiit uku tikinneqassapput: Uummannaq, Aasiaat, Kangaatsiaq aamma Sisimiut.
Isiginnaagassip Kujataani takutinneqarnissaa januaarimi ingerlanneqassasoq naatsorsuutigineqarpoq. Qeqertarsuarmi takutinneqarnissaa aamma naatsorsuutigineqarpoq.
Assit ataani takukkit