Katersugaasiviup pisortaa isumaqarpoq Lauritz uukapaatitsisoq
Kalaallit uluat nettimi akitsorterussivimmi Lauritz.com tuniniarneqarpoq. Site, siusinnerusukkut pasillerneqartoq atuisuminik uukapaatitsisartutut. Maanna ajortoqaqqippoq, EB allappoq.
Uloq 1981-imi tunumi pisiarineqarsimasoq.
Taamatut allassimavoq Lauritz.com-ip quppernerani akitsorterussiviusumi, tassani nunatsinneersut arlallit tuniniarneqarlutik. Kalaallit Nunaanni katersugaasivimmi pisortaasimasup Sörine Gejl-ip tuniniarneqartoq nalunngilaa EB.dk-mullu oqarpoq ulo 2009-meersuusoq.
Tamanna nalinganut pingaaruteqarpoq.
Sörine Gejl malillugu ulu lauritz.com-imi allaaserineqartutut 1981-imeersimasuuppat akisunerujussuussagaluarpoq. Arfininngormallu ualikkut 3000 koruunit angullugit neqerooruteqarfigineqarsimavoq.
- Pisoqaagaangamik nalilerujussuusarput, ukuli taamaanngillat, Sörne Gejl oqarpoq, taannalu nunatsinni Nanortalimmi katersugaasivimmi pisortaasimavoq.
Ullumi, ataasinngornermi, kaattaassisoqassaaq.
Ekstra Bladetip qullersat arlaleriarluni oqaaseqartinniarsimagaluarpai iluatsinngitsumik. Pisoq taanna malinnaavigissavarput.