Kiinamiup qalipaasup Uummannaq qalipakkaa
Eqqumiitsulianut katersugaasivik Københavnip avannaaniittoq kiinamiup qalipaasartup Liu Xiadongip suliaanik saqqummersitsivoq, taanna Uummannami qalipaasimavoq
Saqqummersitsinerup qulequraa ’Uummannaq’, taannalu Lousianamit Kinami nammineq nalitsinni oqaluttuarisaanermi eqqumiitsuliortut siuttuisa ilaannit, meeqqallu angerlarsimaffiata aamma piniarnermik kultureqarnerup akornanni naapinnertut oqaatigineqarpoq.
Kiinamiu qalipaasoq Liu Xiaodong (1963-imi inuusoq) 2017-imi Uummannamukarpoq, tassanilu najugaqartut aamma minnerunngitsumik meeqqat meeqqat angerlarsimaffianneersut naapippai.
- Qalipagarujussuit tassannga angalanermit pilersinneqartut, kiisalu misissuinerit aamma ilisarititsinernit qalipakkat mikisut sumiiffimmut tunngapput, pinngortitamilu kusanartorsuarmi inooqatigiinnermik takutitsipput, Louisiana tusagassiuutinut nalunaarummi allappoq.
- Meeqqat angerlarsimaffiat, eqqumiitsuliortup oqarnera naapertorlugu ”nunarsuup killinganiiittoq” nunami kusanarluinnartumiittoq takorloorlugu eqqumiitsuliortoq aallarpoq – piffik killitsisimanartutut assilialiatut ilisimanngisani takorloorlugu. Taanna sioqqullugu allat tikittartorpassuit assigalugit niaqqumini assiliamik takorluuereerluni tikikkami nalitsinni inuiaqatigiinnut ataasiinnarmik nassuiagassaanngitsumut tikippoq, tassani inuuneq aamma nutaaliaavoq, naak ileqqutoqqat attanneqaraluartut.
Meeqqat angerlarsimaffianni piffissaq atoraa
- Liu Xiaodong meeqqat angerlarsimaffianni meeqqat najugaqartut piffissamik atuiffigingaatsiarlugit peqatigisarsimagai, suliani takuneqarsinnaavoq, ulluinnarni sammisaqarnerat malinnaaffigalugu, inuit pinngortitamit tiguartisimanermit salliutillugit. 2017-imi Uummannamit qalipakkat tamarmik aamma assilialiat 1800-kkunni nunamik qalipakkat assigalugit qalipataapput – tassa iluliarsuit, uulianut qattat, aqqusernit asfaltilersukkat aamma ullormi silap qanoq innerata akornanni.
- Beijingimut angerlareerluni Liu Xiadongip ukioq ataaseq qaangiuttoq qalipagarujussuit, assit killisimaarfiusut nalunaaerummit alianartumit pisut: meeqqat angerlarsimaffianni najugaqartut ilaat, Gert, ”akornatsinniikkunnaarpoq”. Assit taakku marluk, Gert Is Gone aamma Melting Iceberg immikkuullaripput.
Tassani nikallunganeq eqqarsalersitsivoq, suliallu eqqumiitsuliortup toqqaannartumik eqqumiitsuliami najoqqutarisaminut naapitsineranit takussutissartaqarnerullutik.
Saqqummersitsineq ’Uummannaq’, Louisiana Søjlesaliani nivinngarneqarsimasut, qalipakkanik 12-nik, tuschimik titartakkanik 18-inik aamma ataasiakkaanik ullorsiutineersunik takutitsivpq. Saqqummersitsineq marsip 21-annit juunip 10-annut ingerlanneqassaaq.