KNR-imi meeqqanut aaqqissuussisoq nutaaq

KNR-TV ataasinngornermi decemberip 17-ianni meeqqanut aaqqissuussisortaassaaq, taannalu tassaavoq 25-inik ukiulik AneMarie Ottosen. Taassuma kingoraassavaa Laila Hansen, ukiut aappaata affaani meeqqanut aaqqissuussisuusimasoq.

Ane Marie Ottosen KNR-ip inuusuttunut aaqqissuisoqarfiani ukiuni marlunni sulisimavoq, radiokut tv-kullu aallakaatitassiortarluni. Ilaatigut inuusuttunut aallakaatitassaq Sofa Aappalaartoq, radiokullu inuusuttunut aallakaatitassaq VAMOS.

Ukiup naanerani KNR-ip inuusuttunut aaqqissuisoqarfiani suliunnaassaaq Nathan Kreutzmannimillu taarserneqassalluni.