KNR-imi nutaarsiassaqartitsivimmi pisortaq nutaaq
KNR-i nutaarsiassaqartitsivimmi pisortassamik Danmarkimut aallerpoq. Anita Cramer Corpas KNR-imi nutaarsiassaqartitsivimmi pisortanngussasoq, tusagassiuut nalunaaruteqarpoq.
KNR-imi nutaarsiassaqarfimmi pisortaasimasoq Alice Sørensen jaanuaarip aallaqqaataaniilli soraareernerata kingorna nutaarsiassaqartitsivik pisortaqanngereerluni pisortamik atorfinitsitsisoqarpoq.
KNR-ip Anita Cramer Corpas pisortassatut toqqarpaa, taanna ukiuni arlalinni Danmarkimi tusagassiuutilerinermik aqutsinermillu tusagassiorfinni suliffeqarfinnilu allani aaqqissuisutut pisortatullu tunuliaqutaqarpoq, tusagassiornermik aqutsinermillu misilittagaqarluni.
Tatigineqarnini nuannaarutigigaa
- Tatigineqarnera KNR-imilu nutaarsiassaqartitsivimmut tunniussaqarnissannut
periarfissinneqarnera nuannaarutigaara, qilanaarpungalu suleqatigiit qanimut
nutaarsiassiisarnerup ineriartortinnissaa pillugu suleqatigilernissaannut, Anita Cramer Corpas oqarpoq.
KNR-imi pisortap Annga Lyngep Anita Corpas Cramerip atorfininnissaa qilanaaraa:
- Anitap suleqatigilluarnissaa naatsorsuutigaara aammalu tusagassiortutut, aaqqissuisutut
pisortatullu misilittagai tamatigoortut nutaarsiassaqartitsivimmut iluaqutaajumaarnissai
qularinagu.
Anita Cramer Corpas apriilip ulluisa aallaaqaataat 2024 aallarnerfigalugu nutaarsiassaqartitsivimmi pisortatut sulilissaaq.