KNR juullimut qilanaartoq
KNR-i TV-mi radiomilu juullimut aallakaatitassiat ammarpagit juullerpalaartitsillunilu nuannisartitsiniarpoq.
KNR-ip juullimut aallakaatitassiat ammarpagit sapaatiuppat Nuummi juullip orpiata ikinneqarneranit aallakaatitsissaaq. Taanna Kalaallit Nunaanni nuna tamakkerlugu Tv-qarafiusumi radioqarfiusumilu kisiartaasumi tv-kkut radiokkullu juullerpalaartitsinissanut ammaasuussaaq.
Ukioq manna aammaa Hasn Egedep Oqalufuaniit juullimut tusarnaartitsisoqassaaq. Taanna Radiokkut TV-kkullu sapaammi decembarip 7-iani aallakaatinneqassaaq.
DR-ip Kalaallit Nunaannut Juullimut Pilluaqqussutaa decembarip 18-iani takutinneqassaaq, aamma juulliaqqap unnukkuani Vejlemiit Inuit Juullimut Pilluaqqussutaat takuneqarsinnaassaaq.
TV-kkut adventip sapaataani sisamaasuni adventisiutit sisamat takutinneqartassapput, KNR-imit Sisimiut Tv-millu nikiittaallugit aallakaatisassiarineqarsimasut.
KNR Radiomi meeqqanut juullimut ammartakkat ukioq manna Kunuk Guldagerimit Ilulissaneersumit aaqqissuunneqarsimasut aallakaatinneqassapput, nalunaaqutaq 09.30 aallakaatinneqartassallutik.
Inersimasunut Inersimasut ammartagaat/Julekalender på grønlandsk Stphen Heilmannimit aallakaatitassiarineqartut aallakaatinneqartassapput. Jens Brøndenip KNR Radiomi qallunaatut juullimut ammartagaq aallakaatitassiarineqarluni.