Knud Rasmussenip Illua imminut pigilissanngilaq
Knud Rasmussenip Illua imminut pigilissanngilaq, Inudstrimuseet Frederiks Værk-illi ataaniiginnassalluni. Illumut tamanna pitsaanersaavoq, ataatsimiititaliap siulittaasua Helle Lunderød taamatut isumaqarpoq, neriuutigaalu Knud Rasmussens Selskabet suleqatigiinnermut peqataajumassasoq.
Knud Ramussenip Illua tassaaginnassanngilaq oqaluttualiat oqaluttuallu. Ilisimatusarneq sammineqarnerussaaq. Tassami illu peqarpoq nunamut nunanullu tamalaanut pingaarutilinnik.
Taamatut oqarpoq Helle Lunderød. Taanna kulturimut, sunngiffeqarnermut takornariaqarnermullu ataatsimiititaliami siulittaasuuvoq, ataatsimiititaliallu taassuma aqagu isummerfigissavaa Knud Rasmussenip Illua imminut pigilissanersoq, soorlu radikale-neersup Per Jensenip kristendemokratineersullu Bjarne Nedeerbyp, qaammatini kingullerni Knud Rasmussenip Illuata aaqqiagiinngissutigineqareernerata kingunerisaanik siunnersuutigisimagaat, taamatut nettimi aviisit arlallit allapput.
Illu aaqqiagiinngissutigineqalerpoq kommunit kattunnissaannut atatillugu, tamatumuunakkut Knud Rasmussenip Illua kommunit kattuttussat ataatsimut katersugaasiveqarfiannut atalissammat aallaqqaammullu - naleqqussaanerup aqqani - illup piffissaq affasarfia affaannanngortinneqarluni.
Katersugaasiviup pisortaa Torben Ditlev kommunit aaqqissuuteqqinnerisa kingunerisaanik katersugaasivimmi inspektørinngortinneqarpoq, katersugaasiviup pisortaata Frank Allan Rasmussenip ataani, Kalaallit Nunaannillu aammalu Knud Rasmussenimik ilisimannittut marluk, aammalu Knud Rasmussen Selskabetimik pilersitsisimasut, Ib Elsenhardt aamma Hans Engelund Kristiansen qinnuigineqarsimasut illumut matuersaatitik tunniutissagaat.
Kingulleq Industrimuseetip qullersaanit sakkortuumik isornartorsiorneqarpoq - naggataatigullu kinguneqarluni illup imminut pigilernissaanik siunnersuuteqarnermik.