Komtessip assilisanik saqqummersitsineq ammarpaa
Komtesse Feodora af Rosenborg, assilisanik saqqummersitsineq Grønlands Ansigt ammarpaa, tamanna pivoq Nordsjællandip Kulturhusiani Trommen
Inuusuttut utoqqaallu alapernaatsorpassuarnut ilaallutik arfininngornermi Chris Christophersenip assilisaanik saqqummersitsinermut Kalaallit Nunaata Kiinaa Trommenimi Kulturhusetimi peqataaffigaat.
Hørsholmip borgmesteria Morten Slotved taamattaaq assilisanik saqqummersitsinermut nalinginnaanngitsumut aqqut nanisimavaa, tassani komtesse Feodora ilagalugu assiliarsuit qulit Kulturhusetip isaariaaniittut isiginnaarlugit. Saqqummersitsinermi assit ilaasut Kalaallit Nunaannik kusassagaanngitsumit assilisaapput tamarmik immikkut oqaluttuassartaqarlutik, ilaatigut Agnete 101'inik ukiulimmik pulaarnermit. Pulaarneq taanna assiliisartumut 25'nik ukiulimmut immikkuullarilluinnartumik misigisaqarfiusoq.
- Nuannaarutigaara Kalaallit Nunaata Kiinnaanik assilissanik sulianik illersuisutut maani peqataasinnaagama, ikinngutigilluakkama ilaat Chris Christophersen Kalaallit Nunaannik assilisaasa soqutiginartut saqqummersinneqarnerannut tapersersuisuugama. Nuannaarutigaara Kulturhuset Trommenip paarlersuani assinik saqqummersitsinermut atortissinnaammagu, saqqummersitat ukiup tulliata ingerlaneranni Svendborgimi takutinneqassapput aamma Aalborgimi Kalaallit Illuutaanni, komtesse af Rosenborg oqarpoq.
Saqqummersitsinermi komtesse Feodorap ujameraa Kujataani Nalunameersoq kuulti, kuulti taamaattoq kunngissakkut katikkamik aamma assammiortaaraat.
Pinnersaatip ersersinniarpaa meeqqamut asanninneq. Pinnersaammik pisinikkut - Foreningen Grønlandske Børnini imaluunniit Air Greenlandimi pisiarineqarsinnaasumi, meeqqat atugarliortut nuannersumik meeraasinnaanerannut pitsaanerusumillu siunissaqarnissaannut tapersersuisoqartarpoqa
Kulturhuset Trommenimi assilisanik saqqummersitsineq 2012'imi juunip 29'ata tungaanut takuneqarsinnaavoq.