Kulturikkut illorsuup Sume nersorniarpaa
Rockimik nipilersortartut tusaamasat Sume nersorniarlugit kulturikkut illorsuaq Katuaq tusarnaartitsissaaq.
Katuaq
Nipilersoqatigiinni Sumemi ilaasortat
siulliit suleqatigalugit, Sumep inuiaqatigiinnut nipilersortartunullu ukiuni
50-ini sunniuteqarluarsimanerat nersorniarlugu Katuaq apriilip tallimaani
qaaqqusivoq.
Saqqummersitaq siulleq ‘Sumut’ Sumep
1973-imi saqqummersippaa, kalaallillu rockimik nipilersoriaasiannut aqqutissiuisutut
saqqummersitaq taanna isigineqarpoq.
-Sume kinguaariinnut arlalinnut
sunniuteqangaarsimavoq, aamma kalaallit namminneq aalajangiisinnaanerannut
kinaassusiannullu isumaleeqataasuupput, aaqqissuussaq pillugu nalunaarummi
Katuaq allappoq.
Malik Høegh-imik, Sume-mi siuttuusut
aappaannik, ingiorteqarlutik Kalaallit Nunaanni nipilersortartut
pikkorinnerpaat tusarnaartitsissapput.
Tusarnaartitsinermittaaq
nipilersoqatigiinni ilaasortaasimasut arlallit qaqillattaassasut, Katuaq
ilisimatitsivoq.
Nipilersoqatigiinni siuttuusut Malik Høegh
aamma Per Berthelsen ataqqinaammik qaaqqusat ilagaat.
