Kulturilerisut isumasioqatigeeqqammerput
Kommunit kulturilerisui allallu kulturimik suliaqartut isumasioqatigeeqqammerput. Assiginik suliaqartut naapillugit pissarsinarpoq, peqataasoq oqarpoq.
Kommunini tallimani kulturimik suliaqartut, Katuaq, Nunatta Isiginnaartitsisarfia aamma Nunatta Atuagaateqarfia Qaqortumi ulluni pingasuni isumasioqatigeeqqammerput.
Oqallisigineqartut ilagaat kulturimik suliaqartut kattuffeqalernissaata pingaaruteqassusia, soorlu timersortartut aamma kattuffeqartut.
- Taamatut kulturimut tunngasumik suliaqartut susassaqartut allat peqatigalugit kulturikkut ineriartorneq pimoorullugu ingerlassinnaavaat, Kommune Kujallermi kulturimut sunngiffimmullu aqutsisoq, Pilutannguaq Løvstrøm Lennert tusagassiorfinnut nalunaaruteqarluni allappoq.
- Kulturikkut aaqqissuisartut allat naapillugit suleriaatsinik ingerlariutsinillu avitseqatigiilluni assut iluarsimavoq, suliumassusermillu tuniseqqilluni. Kulturikkut aaqqissuisuulluni kiserliornarsinnaasarami nunatsinnilu kulturilerisut allat naapillugit siunissamut isumalluarnarsinaqaaq, Kommune Kujallermi Kulturimut sunngiffimmullu aqutsisoq Pilutannguaq Løvstrøm Hammeken oqarpoq.
Kulturi inuussutissarsiutitut
Peqataasut aamma isumaqatigiipput kulturimik suliaqarneq inuussutissarsiutitut isigineqalernissaa pingaaruteqartoq.
Kulturilerisut isumasioqatigiittareerput ilaatigut Nuummi, Sisimiuni aamma Ilulissani.