Kulturimut tunngasunut aningaasaliissutit
kulturimut tunngasunut aningaasaliissutinit qinnuteqartut arfineq-pingasut tapiiffigineqartussatut akuersissutigineqarput
Kommuneqarfik Sermersuumi kommunalbestyrelsip 25. oktober, immikkut ittumik ataatsimiinnermini, Kulturimik Siuarsaaneq pillugu Siunnersuisoqatigiit kulturimut tunngasunut aningaasaliissutinit qinnuteqartunit 16-init arfineq-pingasut tapiiffigineqartussatut innersuussutigisai akuersissutigai.
Tulliuttumi taagorneqartut kulturimut tunngasunut aningaasaliissutinit tapiiffigineqarput:
Sapiitsut / Heroes, assinik saqqummersitsineq, Julie Edel Hardenberg, 23.000 kr.
Kommuneqarfik Sermersooq, 5 byer, 5 vuer, saqqummersitsineq, Anne – Birte Hove, 200.000 kr.
Kommuneqarfik Sermersooq pillugu assilisanit atuakkiaq, Kevin O ́Hara, 20.000 kr.
Filmimik Hans Lynge - Sangerens magi, digitalinngortitsineq, Isi Film og TV, Per Kunuk Lynge & Karsten Heilmann, 22.000 kr.
Nuummi Nipilersornermik Ilinniarfik, Ataatsimoorluni nipilersornermik pilersaarutit – Nipilersoqatigiit sapaatip akunneqartinnerat, Hanne Sandvig, 52.000 kr.
Inuusat – meeqqanut dvd, Erna Lynge, Apiipi Productions 76.000 kr. It ́s Our Fucking Country – tanker i tide(n), saqqummersitsineq ingerlaartitaq, Søren Vestergaard Mikkelsen, 50.000 kr. Nuuk – Qaamarnup illoqarfia, qullernik alutornartuliaq, Louise Mortensen, 200.000 kr.
642.000 koruunit kulturimut tunngasunut aningaasaliissutinit agguaanneqarput.
Kulturi pillugu aningaasaliissutit aningaasaateqarfittut Kommuneqarfik Sermersuumi Kulturimik Siuarsaaneq pillugu Siunnersuisoqatigiinnit aqunneqarpoq.
Kulturi pillugu aningaasaliissuteqartarnermi ilaatigut anguniarneqarpoq nutaaliornermik kiisalu ataatsimoorfiusumik suliniutit, nalinginnaasumik kommunimit taperneqarnissaminnik periarfissaqanngitsut, tapersersorneqarnissaat.