Kulturip illorsua pisortassarsiorpoq
Nordatlantens Brygge aggustip aallaqqaataani nutaamik pisortaartaassaaq.
Nordatlantens Brygge Københavnimi kulturimik ingerlatsiviuvoq Kalaallit Nunaat, Island Savalimmiullu sinnerlugit. Bryggenimi, ulluinnarni taamatut taaguutilimmi sulisut arfineq-pingasuupput.
Maanna pisortaasoq Helga Hjörvar, Islandermiu, ukiuni tallimani pisortaareerluni tunuartussanngorpoq.
Pisortanngortussaq kulturimik ilisimasaqartuussaaq, nunat avannarliit killit kulturiannik ilisimasaqarluartuussaalluni, kulturikkut ingerlatsivimmik ingerlatsivimmik sungiussisimasuussalluni kiisalu suleqatiginnilluarsinnaalluni ingerlatsivimmik nutaaliamik aqutsisinnaassalluni.
Nordatlantens Bryggep kulturimik siammarsaavia immikkoorluni ingerlanneqartoq pisortap ingerlatissavaa, aammalu islandimiut, savalimmiormiut kalaallillu kulturiisa Danmarkimi kulturimik ingerlatsiviat ingerlalluartutut nunanullu tamalaanut sammmisutut ineriartortissallugu.
Qinnuteqarnissamut killissarititaavoq marsip ulluisa pingajuat.