Kuluturikkut kingornussatit takukkut

Europami kulturikkut kingornussat septemberimi malunnartinniarneqalerpata Kalaallit Nunaat peqataassaaq. Ukiormanna kulturikkut kingornussat sammineqassapput.

Erinarsortartup Julie Berethelsenip Ilulissat Kangerluat DR2-ip siluarsuarmiut kingornussaannik naalagaafeqatigiiffimmiittunik: Ilulissat Kangerluat, Jellinge-monumenterne, Roskilde Domkirke aamma Kronborg-imik ilisarititsineranut atatillugu oqaluttuaraa. Ass. Jan Haugaard/ copyright DR Aasivissuarni Kangerlussuup nunataani kippasinnerusumiittumi 1978-imi assaanermi qulaajarneqarpoq nunaqarfiusarsimasoq una, Kitaa inoqaleqqaarmalli aavariat najugaqarfigisarsimasaat. Ass. Bjarne Grønnow, 1978.

netredaktion (netredaktion@sermitsiaq.ag)

Published 3 September 2009 - 10:32

Annonse

Septemberimi Europami tamakku »European Heritage Days«-eqalerpat nittarsaanneqassapput.

Naalagaaffeqatigiit aaqqiissuutassanut arlalinnut peqataassapput, taakkunatigullu inuit Silarsuarmiut Kingornussaat akuerisaareersimasut akueritikkusutatullu UNESCO-mut qinnuteqaatigineqarsimasut sumiinnersut paasisinnaassavaat.

Sumiiffiit qinnuteqaatigineqarsimasut UNESCOp ilippanaatilinnik utaqqiisaasumillu akuerisaasimasunik allattuiffinut immikkoortillugit allattorneqarsimapput. Kalaallit Nunaannullu tunngatillugu sumiiffit marluupput: Ilaatigut Kujataani ukiuni 1000-ni nunaateqarfiusimasut ilaatigullu Qeqqani piliniartarfitoqarsuaq Eqalummiut (aamma Paradisdalenimik taaneqartartoq aamma Aasivissuit.

Danmarks Radio aann a silarsuarmi kulturikkut kingornussat tunngavigalugit DR2-kut sisamanik TV-kut aallakaatitassiussaaq.

Arfininngornermi septemberip 13-ianni aallakaatitassaq Ilulissat Kangerluannut tunngasuussaaq, tassanilu erinarsortartup Julie Berthelsenip Ilulissat Kangerluat isiginnaartartunut oqaluttuarissavaa

Sermitsiaq nr. 36 atuaruk.

kulturi