Kunngikkormiut nunatsinnukassapput
Kunngi Frederik dronningi Marylu aasaru Kalaallit Nunaannut tikeraassapput.
Januaarip qiteqqunnerani kunngi Frederik kunnginngorpoq dronning Margrethe tunuarmat. Maanna Kunngikkormiut nittartakkaminni nalunaarput kunngikkormiunngorlaat, kunngi Frederik dronningillu Mary, aasaru Kalaallit Nunaannut tikeraarnissartik pilersaarutigigaat.
Angalanermut takinerusumut atatillugu tamanna pissaaq:
- Maajip aallartinnerani kunngikkormiut Sverigemut pisortatigoortumik tikeraaqqaarpata, tamanna nunani avannarlerni angalanerujussuannut aallarniutaassaaq.
- Sverigemi tikeraareernerup kingorna Norgemut pisortatigoortumik tikeraassapput, tamatumalu kingorna juunimi juulimilu Savalimmiunut Kalaallit Nunaannullu tikeraassapput, kunngikkormiut allapput.
Pilersaarutit imaapput:
- Sverigemut pisortatigoortumik tikeraarneq maajp arfernganit arfineq-aappaanut
- Norgemut pisortatigoortumik tikeraarneq maajip 14-ianit 15-anut
- Savalimmiunut pisortatigoortumik tikeraarneq juunip aqqarnganit 14-ianut (ullui allanngorsinnaapput)
- Kalaallit Nunaannut pisortatigoortumik tikeraarneq juunip 29-anit juulip arfineq-pingajuannut (ullui allanngorsinnaapput)
Umiarsuaq Dannebrog angalanerminni kunngikkormiunut ineqarfiussaaq.