Kunngikkut Kalaallit Nunaannut tikeraarnissaannut pilersaarutit inissinneqarput
Kunngikkut juunip 29-annit juulip arfernata tungaanut Kalaallit Nunaannut tikeraassapput.
Sapaatip-akunnerata naanerani kunngi Frederiup inuuissiornera nalliussineqarpoq, Kunngikkullu Amalienborg Slotimi aneerasaartarfimmit innuttaasut takkuttut aalateriffigaat.
Assiliisoq: Ida Marie Odgaard
Kunngi Frederik dronning Marylu aasaru Kalaallit Nunaannut tikeraarnissaat siusinnerusukkut Kunngikkormiut nalunaarutigaat.
Maanna tikeraarnissaannut pilersaarut saqqummiunneqarpoq.
Pituffimmut tikinnikkut Kalaallit Nunaannut angalaneq avannaani aallartissasoq, Qaanaamullu tikeraarnerup kingorna Aasiannut ingerlaqqissasut, tassanilu Kunngikkut umiarsuaannut Dannebrogimut ikissasut, Kunngikkormiut tusagassiuutinut nalunaarummi allapput.
Qeqertarsuaq, Attu Sisimiullu Kunngikkut ilaatigut tikeraassavaat. Tamatuma kingorna Dannebrogimik Nuummut angalassapput. Tikeraarnerup naggataatungaani Kujataani Narsarsuaq, Qaqortoq, Narsaq Qassiarsullu tikeraassagaat, Kunngikkormiut allapput.
Pilersaarut ima isikkoqarpoq:
- 29. juni: Pituffik Space Basemut, Qaanaamut Aasiannullu tikeraarneq.
- 30. juni: Qeqertarsuarmi tikeraarneq.
- 1. juli: Attumi tikeraarneq.
- 2. juli: Sisimiuni tikeraarneq.
- 3. juli: Tikeraagaqassanngillat (angalaneq).
- 4.-5. juli: Nuummi tikeraarneq.
- 5. juli: Narsarsuarmi Qaqortumilu tikeraarneq.
- 6. juli: Narsami Qassiarsummilu tikeraarneq.