Mads ajortumit ajornerusumut pivoq
TV2-p erinarsoqatigiinnik unammisitsinerani kalaallit erinarsoqatigiit Julie Allstars ingerlaqqipput.
Nina Kreutzmann Jørgensen unissinnaajunnaarluni qiavoq TV2-p erinarsoqatigiinnik unammisitsinerani unammillertip Rasmus Nøhrip appittartumi aappaa angerlartittussanngormagu.
Qiassutissaqanngikkaluarpoq. Tassami Kalaallit Nunaat unamminermi ingerlaqqippoq, tamatumuunalu Mads Lumholt peqataavoq. TV2-p Refshaleøen-imi studiaanut takkuppoq aallakaatitassiap aallartinnissaa minutsinik 12-iinnarnik sioqqullugu.
Kalaallit/qallunaat erinarsoqatigiivi, 3900 NUUK, tallimanngornermi ulaakkut qulingiluaniilli sungiusarsimapput erinarsoqatigiinnilu siullersaallutik appittussaallutik. Madsilu takkuppoq timmisartoqqusinnginneq pissutigalugu sapaatit akunnerata aappaata affaani tikinniareersimalluni. Sisi,miuniit angallammik, qimussimik timmisartumillu angalasimavoq Kastrupimut tikinnginnermini, tassanngaanniillu TV2-p tuaviinnavik studiamut oqquppaa.
Taamaattumik erinarsuut Deep Sleep, aamma kalaallit meeqqanut erinarsuutaata ilaanik akulik, erinarsoreerlugulu pakkutaartippoq, eqitaartilluni ersaattaanneqarlunilu.
Aallakaatitsinerup nalaani qanoq pisoqarnera tamaat atuaruk, Sermitsiaq peqataalluni sapaatip akunnerata tulliani tamanna allaaserissammagu.
Deep Sleep youtsube-mi takusinnaavat imaluunniit una toorlugu Mads Lumholtip Kastrupimiit studialiarnera takusinnaavat.