Danmark
Meeqqat Uummannameersut tusarnaartitsissapput
Sisamanngorpat meeqqat Odensemi Kalaallit Illuutaanni tusarnaartitsissapput
Sisamanngornermi aggustip sisamaanni Odensimi Kalaallit Illuutaat aamma Nordatlantisk Hus meeqqanit inuusuttunillu Ummannameersunit pulaartoqassapput, taakku nipilersussapput, nipilersortartut Pele aamma Glenn Møller peqatigalugit erinarsorlutillu qitissapput.
Meeqqat angerlarsimaffiat
Taakku inuusuttut tamarmik Uummannami meeqqat angerlarsimaffiannut attuumassuteqarput, taanna ulloq unnuarlu angerlarsimaffiuvoq.
Meeqqat angerlarsimaffiata anguniagaraa, inuusuttut toqqissisimanartumik misigisaqarluarlutillu angusaqarluarnissaat, taakku naleqqassutimillu misiginerat aamma imminut tatiginerannik nukittortissavaat.
Meeqqat sullinneqarneranni nipilersorneq, eqqumiitsuliorneq, erinarsorneq aamma timersorneq sakkut pingaarnersaraat, taakku meeqqat inuusuttullu ulluinnarni nuannersunik eqqarsaateqartittarpaat.
Tivolimi tusarnaartitsisut
Nipilersortartut qitittartullu Kalaallit Nunaat Tivolimiinneranut atatillugu Danmarkimiipput, kisianni taakku aamma Odensemut aqqusaarnissaminnut periarfissaqarput.
Assit takukkit: Kalaallit Nunaat Tivolimi iluatsitsilluarfioqqippoq