Mike Fencker Thomsen X-factorimi misilitsissaaq
Mike Fencker Thomsen nipilersortartuni assigiinngitsuni erinarsortrtutut nipilersortartutullu, aammalu tvmi nangeqattaartuliani isiginnaartitsinermilu ilisimaneqartoq piginnaasani DRip X-factoriani misilittussanngorpai.
Mike Fencker Thomsenip ilaatigut Sofa Aappalaartumit, KNRip TVkkut nangeqattaartuliaani isiginnaartitsisartutut aammalu "Malugisarpara"-mi pingaarnertut inuttatut Kalaallit Nunaanni tamani tusaamasaasup erinarsorsinnaassutsini aamma DRip X-Factoriani misilittussanngorpaa.
– Aqagu Danmarkiliarlunga aallassaanga, ataasinngorpallu DRimi misilitsissallunga, MIke Fencker Thomsen pissangasoq oqarpoq. Misilitsinnermini Sting-ikkut atugaat " English Man in New York" atussavaa.
Mike Fencker Thomsenip X-Factorimut misilitsinniaraanni internetikkut nalunaartoqarsinnaasoq paasisimavaa. Immersugassiat qinnuteqaat immersorpaa, taamalu Københavnimut misilitsikkiartorsinnaasoq akissutisilluni.
– Qanoq sivisutigisumik Danmarkimiinnissara naluara. Qanoq ingerlajumaarnissara apeqqutaassaaq. Tappavaniinninni ikunngutikka Jyllandimiittut tikeraassavakka, aamma novembarimi Nuummut tikeraallatsiassaanga, Piitsukkunni erinarsortuujartorlunga, Mike Fencker Thomsen oqarpoq.
Mike Fencker Thomsenip saniatigut aamma Sonnetimi erinarsortartoq Kristineq Thomsen X-Factorimut misilitsissaaq.