Qimussinik sukkaniunneq
Mike Samuelsen Avannaata Qimussersuaaraani ajugaavoq
Mike Samuelsen, Ina Ruth Eriksen kiisalu Karl Gaba Petersen Avannaata Qimussersuaaraani ajugaasuupput.
Foto / Assiliisoq: Evannguaq Samuelsen
Avannaata Qimussersuaaraa, meeqqani qimussinik sukkaniunneq Ilulissani ullumi aaqqissuunneqarpoq.
Meeqqat Avannaata Qimussersuaaraani sukkaniutivissorput.
Mike Samuelsen ajugaasuuvoq
Mike Samuelsen Ilulissaneersoq nalunaaqutaq 13.14-nngortorlu apuuffissaminut apuuppoq, taamaalilluni Avannaata Qimussersuaaraani ajugaasutut suaarutigineqarsinnaanngorluni.
Taassuma kinguninnguaq Ina-Ruth Eriksen Saqqameersoq apuuppoq, ajugaasullu tulliatut taaneqarsinnaanngorluni. Kiisalu pingajuulluni apuuppoq Karl Gaba Petersen Ilulissaneersoq.
Mikep qimussinik sukkaniunnermi minutsit 14.27-it atorpai. Ina-Ruth Eriksenip minutsit 15.21 atorpai, kiisalu Karl Gaba Petersen minutsini 15.33 ingerlaareerluni apuulluni.