NAPA workshopimut aggersaavoq
Nunat Avannarliit Piorsarsimassutsikkut Attaveqaat aat NAPA, kommunerujussuarni sisamaasuni aallarnisaasut workshopeqartitsinikkut ikiorniarpai.
Annonse
Tamatumani siunertaavoq nunani avannarlerni tapiiffigineqarnissamut periarfissat assigiinngitsut ilisimaneqarnerulernissaat aammalu kulturip eqqumiitsuliornerullu iluani attaveqaqatigiiffiliorsinnaanerup oqaluuserinissaa.
Taamaattumik NAPA maajip qaammataani Uummannami, Sisimiuni, Nuummi Qaqortumilu workshopeqartitsiniarpoq.
Ullut workshopertitsiffissat assigiinngitsut ukuupput:
Uummannaq 12.-13. maj
Qaqortoq 16.-18. maj
Nuuk 23.-24. maj
Sisimiut 25.-27. maj
NAPA-p naatsorsuutigaa Tunumi aasap naajartornerani paasissutissiinertalimmik workshopertitsinissani, passissutissiinermi suliaqartoq Ruth Montgomery-Andersen taama tusagassiorfinnut nalunaarummi allappoq.