Nattorallip qallui torsusuut
Decembari quloruusunuunngilaq. Julefrokostit, tunissutissanik ulapputiginninneq misigissutsillu angisuut tamarmik. Allaallu isikkamik arsaannermi VM qianermik illarnermillu imaqartoq. Nattoralik matumani ukiumi qaammatit pitsaanersaannik ajornersaannillu qulangiuaarivoq.
Decembarip ullaavani matumani sivisuumik makinniarsarivunga. Tamanna illit nammineq nalugunanngilat. Silatitsinni anorersuarpoq, aamma Nuuk paatsiveqanngitsutut isikkoqarpoq. Mittarfik matoqqavoq, erniinaq qamittuussaagut, bussillu garagemukaanneqarsimapput.
Iterluni eqqarsaatiginarpoq, kinaavunga, maani sulerivunga, toqup kingorna inuuneqarpa, taamaappallu ima iluanaartigisoqarsinnaavoq Don Juanitut inunngoqqissinnaalluni?
Isaruiarneqarsimasutut misigisimavunga.
Ullut tamakkua ilagaat apeqqut suliluunniit paasinagu ingerlaannaq naaggaariarluni allamut ingerlaqqiffiusoq. Kaffip nillorsimallunilu sungarniffigisaa, manniup sivisuallaammik uunneqarfigisimasaa. Mannik, immaqa eqqarsarputit. Nattoralimmut tamanna nattoralittuumaneruallaanngila?
Come on. Mamartigisoq. Misilittakkakka naapertorlugit 4,5 minutsit naleqqunnerpaajupput. Taamaalilluni qaqortortaa qeratasoq sungaartortaalu qituttoq imerpalasorlu, qituppallaanngitsoq imerpalavallaanngitsorlu pissarsiarineqartarput.
Ataatama torrallallugu mannimmik uutsinermik – sassaalliuteqarnermillu – ilinniartissimavaanga. Iggarilluinnartuusimavoq. Suut tamaasa iluatsinniartarsimavai. Taratsut, punneq nutaaq, iffiaq nammineq iffiugaq kiisalu Coca Colamut najoqqutassaq isertuussat 10 gram. Oqummigassat mamarluinnartut, taamaattorli ullaaq taanna illortaara ullunit sanilitsinneersoq kukkuluttornitsigut nerisooratsigu, sungarnittumik mamassuseqalersoq. Ajaga paatsiveerulluinnarpoq, anaanagalu kamattorujussuulluni. Ataataga ingerlaqqereersimavunga, inuuvormi akerlilersorneqalaarnermik
uniinnassuteqartanngitsoq.
- Finlandimiut oqartarnerattut: Snapsit marluk amerlavallaarput, pingasut ikippallaarput, uinngiarsorpoq Muttenillu tungaanukassalluni tingilluni.
Oqaluttuaq tamaat aviisimi AG-mi sapaatip-akunnerani matumani saqqummersumi atuaruk, ugguuna iserfigisinnaavat:
