atuagaq
Nauja Lynge isertortumi tiinganiarpalaartumik ullorsiummut allattartuuvoq
Tiinganeq Naalagaaffeqatigiinnerlu immikkoortutut marluttut ataatsimooruteqanngitsutut nipeqarput. Kisianni Nauja Lyngemut, Naalagaaffeqatigiinneq pillugu bloggimik tiinganerpalaartumik aasap ingerlanerani ingerlasimasumik isertortumik allattartuusimasutut maanna saqqummersumut, taamaanngilaq
Kalaaleq arnaq angullu Savalimmiormiu pillugit tiinganerpalaartumik oqaluttuaq, Facebookimi quppernermi ’Ivalu – Arctic Woman Dreams’-imi aamma Arctic Journalip nittartagaani aasap ingerlanerani oqaluttuarineqartoq, immaqa maluginiarsimassavat.
Bloggimut uissuumminartumik kinaassutsimik isertuussilluni saqqummersinneqartartumut kina tunuliaqutaanersoq ilisimaneqarsimanngilaq. Maannali ullorsiutinut tiinganerpalaartunut tunuliaqutaasoq saqqummerpoq.
Ivalu aamma Mr. Faroe
Taanna Nauja Lyngemik ateqarpoq 2011-miillu kalaallit kinaassusaat aamma Kalaallit Nunaata Danmarkillu akornanni attaveqatigiinneq pillugu oqallinnermi amerlanertigut misigissutsinik atuiffiusorujussuusartumi allaanerusumik nipeqartitsisuusimalluni. Nipi Kalaallit Nunaata, Savalimmiut Danmarkillu akornanni ungasissutsimik qaninnerulersitsiniarsimasoq.
Oqaluttuami pineqarpoq kalaaleq arnaq 30-nik ukiulik Ivalu, qallunaamik angummik Ivalup qanoq ittuuneranik pingaartitsinngitsumik najugaqateqartoq. Ivalu tamatumunnga taarsiullugu saniliminut nalunartumut Mr. Faroemut kajungissuseqalersinneqarpoq, taakkualu marluk imminnut takusartut akornanni maqaasiffiusumik attaveqatigiinneq aallartilluni.
Kisianni pitsaasumik kajungilernartumillu oqaluttuaanerata saniatigut Naujap aamma immitsinnut akuersaanngittarnerput immikkut samminissaa siunertarisimavaa
– pingaartumik paasinneqqaarsimaneq soqutiginninngitsoq kalaalerpassuit Danmarkimiittut qallunaat tungaannit misigisartagaat.
Arnanut nutaaq ullumi saqqummertoq atuaruk.