NI-mi ilinniartut oqaatsinik oqallinnissamut qaaqqusipput

Nuummi Niuernermik Ilinniarfimmi ilinniagaqartut fagiminnut kalaallisut inuiaqatigiilerinermullu atatillugu Kalaallit Nunaanni oqaatsinut politikki misissuiffigisimavaat.

SK1-imi ilinniagaqartut saqqummiutissavaat innuttaasut nalinginnaasut suliffeqarfiillu oqaatsinut politikkimik qanoq ilisimasaqartiginersut, oqaatsinik kulturimillu ilinniartitsinerit qanoq ingerlanneqarnersut, kiisalu ilinniagallit Nutaarsiassaqartitsivimmut Sermitsiaq.AG-mut tamanna pillugu apeqquteqarsimapput. Nutaarsiassaqartitsiviup akissutaa saqqummiunneqassasoq NI paasissutissiivoq.

Kalaallit oqaasii pillugit oqallitsitsisoqassaaq.

Tamanna pissaaq ataasinngorpat Nuummi Niuernermik Ilinniarfimmi.