Niaqornat pillugit piviusulersaarusiaq internettikkut takuuk
Piviusulersaarusiaq 'Village at the End of the World' internettikkut akeqanngitsumik aaneqarsinnaavoq. Piffissamili sivikitsuinnarmi
Tuluit oqaasii atorlugit filmi Kitaani nunaqarfik Niaqornat pillugit piviusulersaarusiaq 'Village at the End of the World', arfininngornermi taassumallu siuliani piviusulersaarusianik filmilianik pikialaartitsinermi CPH:DOX. takutinneqarpoq. Illit aamma Kalaallit Nunaannit takusinnaavat
Taamaallaat soorlu maanisut internettimut attaveqaruit.
Filmimi nunaqarfimmi inuuneq ukiut marluk aappaat avillugit malittarineqarpoq Niaqornani aalisakkanik tunitsiviup, nunaqarfiup napassutaata, ammaqqinneqarnissaa sulissutigalugu innuttaasut imminnut ataqatigiinnerulernerannik ersersitsisoq. Nunaqarfik sinnerlugu qasusuilluni suliamik aqutsisuuvoq Karl Kristian. Filmi ajunngitsussanik ersersitsivoq, kalaallit nunaqarfinni piniarnermik nappateqartuni inuusut inooriaatsimut nutaaliaasumut unammilligassaqarnerannik ersersitsisoq.
Filmi internettimi ulluni marlunni akeqanngitsumik aaneqarsinnaavoq.
Uani.
Filmi akeqanngikkaluartoq piviusulersaarut 77 miutsinik takissusilik, filmiliornermi ilitsersuisumit Sarah Gavronimit aamma David Katznelson filmiliornermi assiliisartumit suliaq, Kalaallit Nunaanniit takussallugu akisukulussinnaavoq, nunatsinni akit eqqarsaatigalugit.
'Village at the End of the World' pitsaasunik nalilersorneqarpoq. Ilaatigut Filmnyt-imi piviusulersaarut ulloriatut pissarsiarisinnaasanit arfinilinnit, tallimanik pissarsitinneqarami imalu allaaserineqarluni:
- Filmi isiginnaarakku innuttaasut qanoq atugaqarnerat misigisinnaavara, allaat sorsoqatigalugillusooq. Illoqarfinnut anginernut nuullutik aallartoqaleraangat, helikopterimik aanngaraangat sakkortusarluni. Piviusulersaarut tunngavissaqarluarpoq qaffasissumik pitsaassuseqarluni kusanarluinnartunik assitalik. Takusassaqqippoq!