Ullortuneq Festival
Nipilersukkat nuannersorpassuit
”Juaaka & Siku Jam”, ”Kimia”, ”Miritha & Juuna” allallu Kujataani “Ullortuneq Festival”-imi nipilersoqattaalersut
Ullortuneq Festivali Kujataani juunip 17-iannit 23-annut ingerlanneqarpat rock´n roll-imik inuiaallu nipilersuutaannik nipilersortorpassuaqassaaq. Taamatut tusagassiorfinnut nalunaarutikkut paasissutissiivoq Nanortalimmi sunngiffimmi sammisaqartitsinermut pisortaq Samuel Simonsen.
Ullortuneq Festival Kommune Kujallermi sunngiffimmi sammisassaqartitsermi pisortanit, Simon Simonsen ittoralugu aaqqissuunneqarpoq.
Erinarsortartoq atuakkiortorlu Juaaka kisimiilluni nipilersortassaaq, aammali nipilersortartut taqqavani nuannarineqarluartut SIKU JAM illoqarfinni Narsasami, Nanortalimmi, Alluitsup Paani aamma Qaqortumi nipilersoqatigisassallugit.
Festivalimi illoqarfinni Narsami, Qaqortumi Nanortalimmilu ingerlanneqartussami nipilersoqatigiit paarlakaallutik nipilersortartussat allat tassaapput Kimia, Simon & Noah & Richard, NANDA (Ninja), Jesper Grønkjær, Maritha & Juuna, kiisalu Nive Charlie-lu.
Juunip 21-anni Inuiattut ullorsiornermi Nanortalimmi silami nipilersussapput Juaaka aamma Siku Jam, kiisalu Kimia. Taamatut tusagassiorfinnut nalunaarutikkut allappoq. Samuel Simonsen.
Sukumiinerusumik paasisaqarusuttut uunga saaffiginnissinnaapput
Samuel Simonsen
Fritidsinspektør
Kultureqarnermut Sunngiffilerinermullu imm.
Nanortalik