Nive Bryggenimi
Nive Nielsen, savalimmiormiut nipilersortartut marluk peqatigalugit Københavnmimi avannarlermiut kulturfestivaleqarnissaanni appisimaaqataassapput
Nive Nielsen, Nordatlantens Bryggemi appisimaassaaq nunat avannarlermiut Københavnimi kulturfestivaleqarnissaat, TING ingerlanneqalerpat. Taanna aaqqissuunneqarpoq Nunani Avannarlerni Siunnersuisoqatigiit arfininngornermi novembarip tallimaanni ingerlasussami. Taama nalunaarpoq Nordatlantens Brygge.
Nunani Avannarlerni eqqumiitsuliortut inuusuttut nuimasuut ilaattut kulturikkut illorsuarmi torrutiinnarlugu nipilersussaaq. Nive'p tusarnaartitsinerata saniatigut savalimmiormiut Budam aamma Guðrið Hansdóttir aamma appissapput. Nipilersortunik tusarnaarnerup saniatigut tusarnaariat periarfissinneqassapput eqqumiitsuliortut DJ'imit qanimut oqaloqatigineqarnerannik tusarnaarnissaminnut DJ'imit taanna nipilersukkanik naliliisartuuvoq aamma nipilersukkat pillugit tusagasiinermik sulialik Katrine Ring.
- Nipilersornerup tungaatigut Nive bluesmusikkimit sunnigaavoq, oqaluttartunit qanganisaasunit, qaqqanit, erinnanik 70'ikkunni guitarip nipitaannit sunnigaasunit, pinnguarusuppaluttunik eqqissisimasunik ajornaatsuinnaanngitsuniilli. Unnuk taanna københavnimiut nipilersortartut insta-bandimik taagortut appeqatigissavai, taama Nordatlantens Bryggemi tusagassiinermik pisortaq, Martin Hilker nalunaaruteqarpoq.