Nive Bryggenimi
Nipilersortartoq erinarsuusiortorlu Nive Nielsen novembarimi Københavnimi tusarnaartitsissaq. Tamanna Illu Atlantikumi (Den Nordatlantiske Bryggemi) ingerlanneqassaaq.
Erinarsortartoq nipilersortartorlu Nive Nielsen novembarimi Den Nordatlantiske Bryggemi Københavnimiittumi tusarnaartitsiartoqattaarluni angalanermi ilaanni nipilersussaaq.
Nipilersortartup erinarsuusiortullu 30-nik ukiulik cd-liani siulleq »Nive Sings« aggustip ingerlanerani saqqummersippaa. Saqqummersitami erinarsuutit 15-iupput Canadami, USA-mi, Englandimi, Belgiami Kalaallit Nunaannilu immiunneqartut.
AAMMA ATUARUK: Nive cd-mik saqqummersitseqqaarpoq
Indie-mik nipilersortartut dronninngiattut PJ Harveyitut aammalu nipilersoqatigiit Eelsikkutut Nivep John Parish suleqatigaa, taassuma 'Nive Sings', 2009-mi immiunneqarnerani erinnanik aaqqissuisuuvoq.
Indie Music Artist of the week-itut (sap. akunnerata Indiemik nipilersortartuattut, aaq.) Nive juulimi toqqarneqarpoq nipilersorneq pillugu quppersakkami saqqummersartumi Indie Music Universemi aammalu 'Band of the Month'-imi (qaammatip nipilersortartuatut, aaqq.) Venus Zine’s magazinemi, bryggen.dk nipilersortartoq pillugu ilisarisitsinermini allappoq.
Tusarnaartitsineq novembarip 7-iani nal. 21.00 aallartissaaq.