Normunik paasiniaavimmi ukiut qulit
Normunik paasiniaavimmi, maanna ukiuni qulini Nuummiissimasumi, ukioq ulapaarfiusimavoq.
Normunik paasiniaavik aamma nuutsisarfiusoq Qasigiannguaniittoq tamanut ammaniarpoq pingasunngorneq septemberip pingasuat ukiuni qulini Qasigiannguaniissimanini malunnartinniarlugu. Nalliuttorsiornermi takusaasutunut tele oqaluttuassaqarpoq ukiumi qaangiuttumi ulapaarsimanerminik.
– Normunik paasiniaavik nunatsinni atorluarneqaqaaq, tassami siorna 575.000-eriarluni sianerfigineqarsimavoq. Nuutsitsisarfik 143.000-eriarluni sianerfigineqarsimavoq, taama nalunaarpoq Tele-Postimi avammut tusagassiisartoq Malînánguaq M. Mølgaard.
Qasigiannguani sulisut 23-iupput suliaralugit normunik paasiniaavik, TELE-POST-ip telefoninut nuutsitsisarfia, telefonikkut videokkullu ataatsimiinnerit, suliffiup nalinginnaasup avataatigut ajoquteqartoqalernernik nalunaarutiginninnerit, telefonbogimik aaqqissuineq kiisalu regnskabinik TELE-POST-imut ikiuullutik ingerlataqarlutik.