Nunaqarfik Uumassusilik Qasigiannguanit

Thule kulturi Qasigiannguanit takutitassiaq ukioq manna Lejremi sammisaqartitsinermi peqataavoq. Assi: Qasigiannguit museum

netredaktion (netredaktion@sermitsiaq.ag)

Published 14 July 2012 - 14:01

Annonse

Nunaqarfik Uumassusilik Qasigiannguani suliniut Sagnlandet Lejre Festivalimi peqataavoq. Qasigiannguanit peqataapput suliniummik ingerlatsisoq kiisalu inersimasut arfineq-marluk meeqqallu marluk namminneq kajumissutsimik ingerlatsisut Aarnuat sinnerlugit.

Nunaqarfik Uumassusilimmik suliniut tassaavoq piviusorpalaartumik saqqummiussassamik suliniut, inunnit alakkaasunit takuneqarsinnaalluni Thulekulturip naajartornerani inuit ulluinnarni inooriaasiat.

Sammisaqaqatigiit Lejre tikeraaramikku festivalimi peqataasut 2000 sinnillit iluatsilluartumik kusanartumillu takutitsiffigaat, festivalimi Sagnlandet Lejre sapaatip akunneranik sivisussuseqartumi.

Saqqummiussassatut ingerlataq Qasigiannguanut utersimalerpoq aasaanerani takutitsisarnissamut piareersimalluni, neriuutigineqarluni nunatsinnit nunaniillu allanit amerlasuunit alakkarneqassasoq. Nunaqarfik Uumassusilik Qasigiannguani aqagu juulip 15'ianni ammassaaq. Una aamma una takuuk.

SAGNLANDET Lejre saqqummersitsineq alakkaruk.

nunatsinnit tv kulturi