Nunatsinni eqalussuaq BCC-p takutippaa
Tuluit Nunaanni tv-qarfiup BBC Onep sisamanngormat unnukkut nunarput pillugu aallakaatitassiaq Human Palnertip nuannarineqaqisumik aallakaatitassiaasa ilaat takuteqqaarpaa. Aallakaatitassiami eqalussuarniarneq sammineqarpoq.
- Issittoq peqqarniinnerpaanik avatangiiseqarpoq. Maani naatitsisoqarsinnaanngilaq qaammaterpassuarnilu taartarluni, ukiullu annersaani issittarluni. Taamaakkaluartoq inuit 4 million missaat tamaani najugaqarput.
Aallakaatitassiani Human Planetimi (inuit nunarsuaat) BBC taama oqaluttuarpoq, tassanilu inuit nunarsuup qeritisiviani inuusut pillugit tupinnartunik oqaluttuarluni.
- Upernaakkut Amos aamma Karl-Frederik qimusserlutik sikumut avalattarput immap uumasorujussua Kalaallit Nunaata eqalussuaa pisariniarlugu, BBC-mi aallakaatitassiap ilisaritinnerani allassimavoq. Aamma tassani ima allattoqarsimavoq:
- Inuit uilorniat inuunertik navianartorsiortillugu tininneratigut sikup ataani uilorniartarput, taannalu Canadami pivoq, soorlu aamma aallakaatitassiat ilaanni Churchillimi meeqqat mitaartillutik illoqarfimmi nannut naapissinnaasarlugit.
Aallaqqaammut Human Planet Tuluit Nunaata avataani takutinneqassanngilaq kingusinnerusukkut pissalluni BBC-ip nunarsuaq tamakkerlugu kanaliini, soorlu aamma nunanut allanut tuniniarneqassallutik.
BBC-p Human Planetimi filmilaat tupinnartoq YouTubemi takuneqarsinnaavoq: Arctic - Life in a Deep Freeze, uani: