Nunatta isiginnaartitsisarfia oqoqartoq
Nunatta Isiginnaartitsisarfia oqoqaqqilersimavoq. Isiginnaartitsisarfiup pisortaata neriuutigaa nunatsinni angalalluni isiginnaagassiamik “Immerneq 2024” takutitsineq pilersaarutit malillugit ingerlanneqarumaartoq.
Annonse
Nunatta Isiginnaartitsisarfiata Nuummi Industrivejimiittup oqoqarnera pissutigalugu allaffeqarfimmi sulisut isiginnaartitsisartullu immikkoortinneqarallarput.
- Illorsuaq piffissaligaangitsumik matugallarpoq, isiginnaartitsisarfimmi pisortaq aamma allattoqarfimmi pisortap tullia Karl Villiam Jeremiassen tusagassiorfinnut nalunaaruteqarlutik ilisimatitsipput.
Allaffeqarfik illoqarfiup qeqqanut Imaneq 30, Nuummut nuukkallarpoq, aamma Nunatta Isiginnaartitsinermik Ilinniarfia immikkut inimik attartukkamut Imaneq 32-mut nuunneqarluni.
Har lejet nye lokaler
- Massakkut pingaarnerugallarpoq sulisut ilinniartullu ajunnginnissaat, taamaammat illoqarfimmi sumiiffigisinnaasatsinnik attartorallarpugut. Oquttoqarnera aningaasartuuterujussuuvoq, neriuppugullu ukioq manna siunniussarput nunarput tamakkerlugu angalanissaq iluatsissinnaajumaaripput, pisortaq Vivi Sørensen oqarpoq.
Nuna tamakkerlugu angalanissaq ”Immerneq 2024” pilersaarutit allanngunngippata aallartissaaq 24. maj 2024-imi. Avataaniit tikeraartunik isiginnaartitsinissaraluit siumut pilersaarutaareersut tamarmik unitsinneqarput.
