Nunatta nerisassaatai nunarsuarmiut misilissavaat
Nerisassat angalanerillu pillugit TV-kkut aallakaatitassiatigut arfinilitsigut ilasup nunatta periarfissarpassui ilisaritissavai.
Igasoq nassaarsiullaqqissoq ilakkuminartoq, Kalaallit Nunaanni angalasoq nerisassiassanik nutaanik peqqinnartunillu ujaasisoq, nerisassiornermi ilitsersuutini nutaani pissanganartunilu ilanngunneqartussanik.
Tassa TV-kkut aallakaatitassiassat arfinillit, tamarmik akunnermik affarmik sivisussusillit, aallarniutissaat, nunarsuarmi tamarmi TV-kkut isiginnaartartut nunatta nerisassaataanik misiliinissaannut periarfissiisussat.
Takornariaqarnermik selskabi Destination East Greenland filmiliortitseqatigiillu Ace & Ace TV-kkut aallakaatitassianik alutornartunik ukiorpassuarni suleqatigiissimapput, soorlu Ammassalimmi unammiuaarnermik sakkortoorujussuarmik "Arctic Team Challenge"-mik, maannalu suleqatigiit suleqatigiinnertik Kalaallit Nunaannut tamarmut annertusivaat.
Anders Stenbakkenip, Destination East Greenlandimeersup aamma Eskil Hardtip, Ace & Ace-meersup, angalanermik nerisassanillu TV-kut aallakaatitassiassat arfinillit piareersarpaat.
Sermitsiami nutaami allaaserisap sinnera atuaruk.