Nuummi meeqqat atuarfiini pitsaassutsit annertuumik nikingasut

Kangillinnguit Atuarfianni aamma Atuarfik Hans Lyngemi atuartut klassini nikinnermi aamma soraarummeerluni illoqarfiit pingaarnersaanni meeqqat atuarfiisa akornanni misilitsinnerni angusarissaarnerpaasarput.

Taakku fagini tuluttut, danskisut aamma matematikkimi angusarinnerusarput.

Illoqarfimmi tv-qarfik Nuuk TV, ataasinngornermi taama oqaluttuarpoq.

Atuaruk: Sermersuup atuarfii angusarissaarnerupput

Soraarummeerluni misilitsinnermi kingullermi Kangillinnguit Atuarfiani atuartut angusarinnersaapput, taakku Atuarfik Hans Lyngemit malinneqarput.

Kisianni atuarfimmi kingullermi taakkartorneqartumi klassini nikinnermi 3. klassinit 7. klassinut angusarissaarnerupput.

Atuarfik Samuel Kleinscmidtimi atuartut atuarfiit akornanni angusarlunnerpaapput, taakkulu nunap agguaqatigiisinneranit appasinnerujussuarmik inissisimapput.

Atuaruk: Oqaatsinik ilisimatooq: Tuluit oqaasiisa kalaallit oqaasii akoorsinnaavai

Atuarfik Samuel Kleinschmidtimi atuartut ilaatinnagit meeqqat atuarfiisa atuartuutitik ilinniarteqqinnissaannut pitsaanerulersimasut, Nuuk TV-p aamma oqaluttuaraa.

Nuummi meeqqat atuarfii arfiniliupput.

Atuaruk: Nivi Olsen: Ilinniartitsisunngorniarneq pitsanngorsaavigineqartariaqarpoq

Nuuk TV-mi ilanngutassiaq uani takuuk: