Nuummi takutitseqqaarneq: Katuami assilisat uani takukkit
Filmi Against The Ice Nuummi kulturikkut illorsuarmi Katuami pingasunngornermi takuteqqaarneqarmat nuimasorpassuarnik isiginnaariartoqarsimavoq.
Annonse
Netflixikkut filmi Against The Ice Katuami pingasunngormat takuteqqaarneqarmat Katuaq isiginnaarianik ulikkaavissimavoq.
Filmimi pingaarnertut inuttaasoq filmilioqataasimasorlu Nicolaj Coster Waldau nuliani Nukaaka Coster Waldau aamma nunami eqqumiitsuliortutut ilisimaneqartorpassuit politikkerillu peqatigalugit Katuamiipput.
Tusagassiorfiup assiliisartua Leiff Josefsen takutitseqqaartoqarneranut peqataasimavoq, unnummilu takutitseqqaartoqarnerani nuannisartorpassuit assilisarsimallugit.