Nuummioq nunat tamalaat filmfestivaliannut toqqarneqartoq
Filmfestivalip Sundance-p "Nuummioq" ajugaaniutivinnermut toqqarpaa.
Unamminermi World Cinema Cramatic Competition filmip filmit aliikkutassiat 13-it allat nunanit tamalaaneersut unammissavai.
- Filmiliami ilitsersuisup kialuunniit sinnattugaraa toqqarneqarnissani - Sundance Film Festivalimut peqataaginnarnissani. "Nuummioq"-llu ajugaaniutivinnermut toqqarneqarmat tamanna uppernanngingajappoq. Uissuummisorujussuuvunga uppernarsigakku ilumut taamaattoqartoq, filmiliap ilitsersuisua Otto Rosing erseqqissaavoq.
Filmit 4000-t akornanni toqqarneqarpoq
Ukiut tamaasa Sundance Film Festivalip filminit nassiunneqartunit 4.000-t missaanniitunit filmit aliikkutassiat 112-it toqqartarpai. Filmit festivalimik takuniaasunut 50.000-t missaanniittunut takutinneqartarput, tamatumalu saniatigut tamakkua ilaat festivalimi ajugaaniutivinnerni sisamani peqataatinneqartarput.
Sundance Film Festival 1978-imi aallartinneqarpoq ilaatigut Robert Redfordimit - Redfordillu filmimi "Butch Cassidy and the Sundance Kid"-imi inuttaaffigisimasaa atsiunneqarsimalluni. Festivali Amerikami filminut avataaneersunut filmfestivalit annersaraat - tassa filminut Hollywood-imi selskabersuit avataannit sananeqarsimasunut. Festivalili nunat tamalaat filmiliaannik unammineruvoq ataqqinaataasoq, tassanilu tassa aappaagu festivalernermi "Nuummioq" peqataassaaq.
Sundance Film Festival ingerlanneqassaaq Utah-mi 2010-mi januaarip 21-ianniit 31-iannut.