Orsoq nunatsinneersoq top 10-mi

Wierd-food-ip Kalaallit Nunaat allattugaatiminiitippaa, "nunat nerisassaataat"-ni immikkoortumi "nunarsuarmi nerisassat eqqumiinnerpaat" quit allattorsimaffianni. Kalaallit Nunaat nr. 10-uvoq arferup orsuanik.

Aajuna allattorsimaffik:

1) Snnakjli, Korea: Sannakjl koreamiut nerisatoqaraat tassaasut amikut uumasut. Amikoq suli uumasunnguakkuluk amitsunik aggorneqartarpoq tamatumalu kingorna sukkasuumik siariarlugu sassaalliutigineqartarluni. Nerisassap sassaalliutigineqarnerani talii suli aalasinnaapput.

2) Kopi Luvak, Indonesia: Pulaartut ilimaginngisat sumik sassaallerfigineqassappat? Indonesiami tassaasinnaavoq Kopi Luvak tiitorfimmut, taannalu nunarsuarmi kaffit akisunersaralugulu qaqutigoornersaraat. Taanna uumasut qitsussuarnut assingunut anaannik panernikunik sananeqartarpoq.

3) Tacos de Sesos, Mexico: Sesos mexicomiut oqaaseraat isumalik qarasaq, taannarpiarlu imaraa. Nerisassaq nunap nammineq nerisassaatigisaa sananeqartarpoq nersussuup puulukilluunniit qarasaanik. Danish Crown iluatsilluartumik puulukit qarasaannik Mexicomut tuniniaasarpoq.

4) Trúng Vit Lón, Vietnam: Aamma Vietnamimiut manniit uutat mamaraat, tassanili aapasuliaralugit imaluunniit ooqqissuliaralugit sananeq ajorpaat. Vietnamimiut manniit aatsaat nerisarpaat inuttaqalereernikut.

5) Airag, Mongoliet: Mongoliami aamma ilaannikkut imigassartortoqartarpoq. Carlsbergiunngitsoq Tuborgiunngitsorluunniit, akerlianilli Airag - imigassaq aalakoornartulik hiisitp arnavissap immuanik sanaaq-

6) Shirako, Japan: Shirako aalisakkat angutivissat kinguaassiuutigaat - tassa pooq anisuuannik imalik. Taanna pub-ini sushi-barinilu takuneqakulasarpoq.

7) Nuarluit, Kina: Knami nuarluit immiartorfeeqqanut sassaalliutigineqartarput. Tusaamanarpoq tarajornitsorujussuusut.

8) Surströmming, Sverige: Svenskit aalisakkanik mamarisaqaqaat pingaartumik Surströmming, ammassassuaaraq tipaartuliarineqartartoq. Arlanda-mi qullersat 2006-imi Surströmmingit timmisartukkut assartornissaat inerteqqutigilerpaat. Tassagooq mikiarsarneranni puui qillertuusat qaartooqinamma6a.

9) Boshingtan, Korea: Koreamiut qimmit mamareqaat. Pingaartumik nuna nerisassaataanut Boshingtangimut akussat pingaarnersaattut akulerunneqaraangat.

Muktuk, Kalaallit Nunaat: Kalaallit Nunaanni mattaat ukiorparujussuarni mamarineqarluartuupput, pingaartumik qilalukkat mattaat, tamatigut tamuajuminarneq ajoraluartoq.

Paasisaqarfik: Søndagsavisen, Weird-food.com.