“Pilu”-p ataatani silarsuarmiit allamiit uterfiginiaraa

Uilu Pedersen, atuakkami meeqqanoortumi Pilu-mi atuakkiortuusoq, siullermeerlunin atuakkamik saqqummersitsivoq.

- Atuakkap isumassarsiarineraniit naqiterneqarneranut suliarinera nuannerpoq. Meeqqanut 8-niit 12-inut ukiulinnut atuakkiaavoq, piviusoq aallaavigalugu angakkuakkatut oqaluttuatut taaneqarsinnaavoq, suliarineralu nuannaraara, oqaluttuarpoq.

Isumassarsiarineraniit allanneranut atuakkatullu naammassinissaanut piffissaq sivisooq soqutiginartorli ingerlavoq. Misilillugu nuanneqaaq.

- Nunarsuarmut allarluinnarmut pilluni, oqaluttuamiilaarluni ilaannikkut nuannertaqaaq, oqarpoq.

Atuakkami nukappiaraq Pilu, sunngiffimmini ataatani ilagalugu qajartortartoq, inuttaavoq. Ullut ilaanni qaannamik kinngunissaq ilinniarpaa, ipuutinili immamut kinikkamiuk itisuumut kivivoq.

Silarsuaq alla

Atuagaq atuaruminarpoq, atuarkkiortullu silarsuarmiit allamiit Pilup iserfigisaaniit misigisat nassuiassallugit assut pikkoriffigaa. Nunarsuit tupinnartut piviusullu nukappiaraq ulloq taanna qajaminut ikillunilu sarfagiussaammat ingerlaqatigiipput.

- Pilu ullut ilaanni qajamik kinngoriarluni makeqqinnissaminik sungiusarpoq, sarfagussaagamili ataataata maluginngikkaa ataataminit ungasillerujussuarpoq. Tasamani kaavippoq, Uilu Pedersen oqarpoq nangillunilu:

- Nukappiaraq maanna sumiiffimmi ilisarnartumiilerpoq, aammali allanartumi.

Pilu immap iluani silarsuarmi eqqumiitsumiilerpoq, tassani uumasut ilisarnartut, soorlu Sarfaq, ataataminiit qimagutsitsisuusoq, naapippaa. Tassani Aataaliannguaq Her møder han vingesneglen Aataaliannguaq Ikkarlullu, kalaallit oqaluttualiatoqaannut uumasuinullu eqqaanartut, naapippai. Taakkua silarsuarmiit Sarfamit nusutsiffigisaaniit ataataminut uternissaanut ikiussavaat.

- Immap qaavani nunarsuaq ilisarnarpoq, Pilulli ilisimasaatulli inngilaq. Oqaluttuaq ataataminut uteqqinnissaminik kissaateqarneranut tunngavoq. Nunarsuarmi pinngortitaq eqqumiilaarpoq, Pilulu Aataaliannguamiit, Ikkarlimmiit Inussunniillu ikiorneqarpoq. Uternissaanut ikiorpaat, Pilulu ilumut angerlassanersoq pissanganarpoq.

- Ataataminut uteqqikkusuppoq, qanorli pisoqarumaarnersoq arlaannaataluunniit ilisimanngilaa. Ataataminut uteqqissanersoq pissanganarpoq, Uilu Pedersen oqaluttuarpoq.

Atuakkat meeqqanoortut salliukkai

Pilu novembarip 28-ani Illorpumi aaqqissuussinikkut saqqummerpoq, tassanilu meeqqat atuagaq naapertorlugu eqqumiitsuliatik aamma saqqummersippaat.

- Meeqqat atuagassaqarnissaat – nunanillu allaneersuinnaanngitsunik nammineq ulluinnarminnut atassuteqartitaqarsinnaanissaat pingaaruteqarmat meeqqat atuagaat salliuttuarnikuuakka, Lene Therkildsen Milik Publishingimeersoq oqarpoq.

Atuakkap qallunaartoortua 102-nik qupperneqarpoq, kalaallisuualu 100-nik qupperneqarluni.

Atuagaq kalaallisut qallunaatullu saqqummersinneqarlunilu Susanne Jensenimit assiliaralersorneqarpoq. Atuagaq Milik Publishingimit novembarip 28-ani saqqummersinneqartoq Saxo.dk-mi pisiarineqarsinnaavoq.